SSRİ Nazirlər Sovetinin 1947-ci il 23 dekabr tarixli 4083 nömrəli qərarının ardından verilən 1948-ci il 10 mart tarixli 754 nömrəli qərarı ilə azərbaycanlıların Ermənistandan köçürülməsinə start verilib.

1948-ci il 10 mart qərarından sonra başlayan deportasiya nəticəsində 1953-cü ilə qədər yüz əlli mindən çox azərbaycanlı Ermənistan SSR ərazisindəki dədə-baba yurdlarından kütləvi surətdə və zorakılıqla sürgün olunub.

Adi hüquq normalarına zidd olan bu qərarların icrası zamanı avtoritar-totalitar rejimin mövcud repressiya qaydaları geniş tətbiq edilib, minlərlə insan, o cümlədən qoca və körpələr ağır köçürülmə şəraitinə, kəskin iqlim dəyişikliyinə, fiziki sarsıntılara və mənəvi genosidə dözməyərək həlak olub.

Bu işdə erməni şovinist dairələrinin və SSRİ rəhbərliyinin cinayətkar siyasəti ilə yanaşı, o dövrki Azərbaycan rəhbərliyinin öz xalqının taleyinə zidd mövqeyi, soydaşlarımıza qarşı törədilən cinayətlərin təşkilində və həyata keçirilməsində iştirakı da az rol oynamayıb.

Tehsil-press.az