Qarın yağması özü ilə bir sıra problemlər gətiririr. Məsələn, nəqliyyatın hərəkətində maneələr yaranır, digər sosial problemlər ortaya çıxır. Odur ki, bir çoxu, xüsusilə isti havaları sevən insanlar qarın yağmasına qətiyyən istəmir. Hər halda onlar qarın faydasından xəbərdar olsalar, bəlkə də, fikirlərini dəyişərlər.

Qar bütün canlılar və təbiət üçün çox faydalı bir yağış formasıdır. Qışda qarın yağması istənilən bitki, ağac və kol üçün çox böyük əhəmiyyət kəsb edir.

Qar suyu torpaqdakı kalium, kalsium, dəmir kimi mineralları həll edərək bitkilərin qidalanmasını təmin edir.

Qar yer və yeraltı su ehtiyatlarının ən mühüm mənbəyidir.

Qar sayəsində su anbarları dolur və enerji olaraq bizə qayıdır.

Qarda olan ammonyak qarın əriməsi ilə torpağa hopur. Bu ammonyak azot bakteriyaları tərəfindən kalsium nitrat kimi azot duzuna çevrilərək bitkilərin azot ehtiyacını qarşılayır.

Havadakı və qurudakı zərərli mikroblar qarla birlikdə yox olur.

Qar yağanda hava yumşalır və havanın həddindən artıq soyumasının qarşısı alınır.

Bitkilər üzərində qoruyucu örtük əmələ gəlir. Qarın ən əsas faydası da bitkilərin donmasının qarşısını almasıdır. Həmçinin qalın qar örtüyü torpağı demək olar ki, donmağa imkan vermir, bunun sayəsində bitkilər daha az həyat enerjisi xərcləyir.

Qar ərimiş suya çevrildikdən sonra tərkibindəki faydalı maddələr torpağı zənginləşdirir.

Buzun insan sağlamlığına faydaları

Buz dəridəki ləkələri, doğuşdan sonra qalan çapıqları və yanıq ləkələrinə müsbət təsir göstərir. Üzü buz qəlibləri ilə masaj etmək xüsusu ilə faydalıdır. Xüsusi bir aparatla buz parçalarını dərinin alt təbəqələrinə yerləşdirilir. Beləcə o dəri təbəqəsinin öz-özünü yeniləməsini təmin edir və ləkələr yox olur. Bu üsul gözəllik mərkəzlərində tətbiq olunur.

Mütəxəssislər soyuq havanın baş ağrılarına yaxşı təsir etdiyini irəli sürüb. Onlar hesab edir ki, buz parçası ilə alına kompres etmək həssas sinirləri yumşaldıb sakitləşdirir. Bundan başqa, yanağa qoyulan kiçik buz parçası diş ağrılarını da azalda bilir.

Saç tökülməsinin qarşısını almaq üçün baş dərisinə buz parçası yerləşdirin. Mütəxəssislər iddia edir ki, bu üsul baş dərisindəki damarların büzülməsinə və beləcə saç köklərinin möhkəmlənməsinə səbəb olur.

“Kriyoterapi” (buz müalicəsi) ilə bədəndəki müxtəlif revmatizm və başqa ağrıları azaltmaq mümükndür. Çünki soyuq buz damarları sıxlaşdırır və hər cür ağrıları yox edir. Bunu təkcə xəstəxana şəraitinə deyil, evdə də tətbiq etmək olar.

Avropanın qərb bölgələrində mənfi 10 dərəcə soyuq otaqlar xəstələr üçün istifadə edilir. Xəstələr 2 dəqiqə otaqlarda qalır. Bu üsul ürək xəstəlikləri olan insanlara yaxşı təsir göstərir (allergiyası olanlar istisnadır).//publika.az/

Tehsil-press.az