Vücudumuzun hər bir hissəsi stresdən təsirlənir. Baş, oynaq, əzələ ağrıları, nəfəs çatışmazlığı və s. bu zərərli təsirlərdən yalnız bir neçəsidir.Mütəxəssislər uzun müddət stresin bədənin hər bir hissəsinə təsir etdiyini və bunun ürək xəstəlikləri, həmçinin bağırsaq problemləri də daxil olmaqla bir sıra şərtlərlə əlaqəli olduğunu vurğulayırlar.
Psixiatr Peter Zafirides bildirir ki, stresin insan orqanizminə təsiri ilə bağlı araşdırmalar hələ də çox səthi aparılır. Bu psixi vəziyyətimizlə fiziki sağlamlığımız arasındakı mürəkkəb əlaqəni əks etdirən bir mövzudur.
Kaliforniya Universitetinin tədqiqatçıları tərəfindən 2018-ci ildə bununla bağlı araşdırma aparılıb. Araşdırmaya görə, narahatlıq və depressiya kimi problemləri olan, həmçinin siqaret çəkən, alkoqollu içkilərdən istifadə edən insanların insult və ya ürək xəstəliyinə tutulma ehtimalı daha yüksəkdir.
Stres bədənə zəncirvari təsir göstərir. Təəccüblü deyil ki, hər şey beyində - duyğuları özündə ehtiva edən mərkəzdə başlayır. Sonra böyrəküstü vəzlərə siqnallar göndərilir, bunlar orqanizmin təhlükədə olduğunu bildirən problemlərdir. Alimlər bunun nə üçün baş verdiyini dəqiq bilmir, bu maddələr qoltuqaltı və qasıqdakı apokrin bezlərə siqnal göndərərək tərləmə yaradır. Bundan əlavə, bədəndə daha çox oksigenlə zəngin qan axını baş verir. Beləliklə, ürək döyüntüləri və tənəffüs sürətlənir. Ümumiyyətlə, stres sağlamlıqla bağlı böyük problemlər yarada bilir. Şiddətli stres bütün orqanizmin reaksiyasına səbəb olur, yüksək təzyiq, zəifləmiş immunitet sistemi, baş ağrıları və hormonal problemlər kimi qalıcı sağlamlıq problemləri yaranır. Qan damarları daralmağa başlayır, bu da qan təzyiqini artırır və qanın ürək əzələlərinə çatmasını çətinləşdirir. Stresli olduğumuz zaman əzələlərin zədədən qorunmaq üçün dartılma ehtimalı daha yüksəkdir. Bu gərginlik bel və çiyin ağrılarına, həmçinin baş ağrılarına səbəb olur. Stres zamanı qaraciyər enerjini artırmaq üçün şəkər qlükoza istehsal edir. Bu qan şəkərinin yüksəlməsinə səbəb olur. Qısa müddətdə yüksək qan şəkəri səbəbindən aclıq və susuzluq halları baş verir. Bu da baş ağrısı, bulanıq görmə və yorğunluqla nəticələnir.
Tehsil-press.az
