Rusiyanın Yaroslavl şəhərində 27 yaşlı azərbaycanlı Şaiq Ağabalayev intihar edib.

Neftçala rayon sakinlərinin virtualaz.org saytının Şirvan bürosuna verdikləri məlumata görə, Şaiqin atası Camaləddin uzun illər Neftçalada tikinti idarələrindən birinin müdiri işləyib. Amma 25 il əvvəl ailəsini də götürərərk Rusiyanın Yaroslavl şəhərinə köçüb. Balaca Şaiq isə Həsənabad kəndində babası Mehracın himayəsində böyüyüb. O da orta məktəbi bitirdikdən sonra valideynlərinin yanında yaşamaq üçün Yaroslavla gedib. İntihar hadisəsinin isə ailə münaqişəsi zəminində valideynlərinin gözləri qarşısında baş verdiyi deyilir. Şaiq ov tüfəngi ilə atəş açaraq özünü öldürüb. Mərhumun cənazəsinin yaxın vaxtlarda Neftçala rayonuna gətirilərək dəfn olunacağı gözlənilir.

Tehsil-press.az