Bu gün Moskvadakı 1213 saylı məktəbin yaxınlığında 33 yaşlı azərbaycanlı qadın Vüsalı D. öz üzərinə benzin töküb yandıraraq intihar edib.

Tehsil-press.az Rusiya mətbuatına istinadən xəbər verir ki, sözügedən məktəbdə qadının İslam və Kənan adlı oğulları təhsil alırmış. Hadisə bu gün yerli vaxtla saat 14-lə 15 arasında baş verib.
Mənbə bildirir ki, Vüsalə özünü yandırdıqdan sonrakı ilk anlarda heç kim ona yaxın gəlməyə cürət etməyib. Həkimlərin sözlərinə görə, vaxtında kömək göstərilsəydi, qadının həyatını xilas etmək olardı.
Qonşuları bildirib ki, qadının bu addımına səbəb həyat yoldaşının ona qarşı münasibəti ola bilər. Əri Vüsaləni tez-tez döyürmüş. Bu günlərdə isə ailənin kirayədə yaşadığı mənzilin sahibəsi gələrək, onlara yeni mənzil axtarmalı olacaqlarını bildirib. Yeni mənzil tapmaq isə mümkün olmayıb.
İstintaq komitəsi fakt üzrə araşdırmaya başlayıb. Bildirildiyinə görə, Vüsalənin 13 yaşlı İslam, 9 yaşlı Kənan və 4 yaşlı Vüsal adlı 3 oğlu var.



tehsil-press.az