Azərbaycanda boşanmadan sonra uşaqların hansı valideynin yanında qalması ilə bağlı dəyişiklik təklif edilir.

Tehsil-press.az-ın məlumatına görə, bu barədə məsələ Milli Məclisin Ailə, qadın və uşaq məsələləri, Əmək və sosial siyasət, eləcə də Gənclər və idman komitələrinin bu günkü birgə iclasında müzakirə edilən Ailə Məcəlləsinə dəyişiklikdə öz əksini tapıb.
Təklif olunan dəyişikliyə görə, boşanmadan sonra yetkinlik yaşına çatmayan uşaqların valideynlərdən hansının yanında qalmasını istədiyini müəyyən etməli, əgər uşaq həmin valideynin yanında deyilsə, onun digər valideyndən alınıb yanında qalması müəyyən edilən valideynə verilməsi məsələsi həll edilməlidir.
Dəyişikliklər layihəsi parlamentin plenar iclasına tövsiyə olunub.

Tehsil-press.az