İran Xarici İşlər Nazirliyi (XİN) ümid edir ki, Azərbaycan, İran və Rusiya prezidentlərinin üçtərəfli görüşü tez-tez keçiriləcək.

Bu barədə Tehsil-press.az IRNA agentliyinə istinadən məlumat verir. İran XİN-in mətbuat katibi Bəhram Qasımi rəsmi Tehranın gələn il üç ölkə prezidentinin görüşünün keçirilməsində maraqlı olduğunu deyib. B.Qasımi ötən görüşün Bakıda keçirildiyini xatırladıb: “Növbəti görüş gələn il Tehranda keçirilə bilər”. O əlavə edib ki, görüşün gündəliyi və detalları barədə danışmaq hələ tezdir. Xatırladaq ki, prezidentlər İlham Əliyev, Vladimir Putin və Həsən Ruhaninin ilk görüşü avqustun 8-də Azərbaycanda keçirilib.

Tehsil-press.az