Fazil Məmmədovun qudası güləş federasiyasına qaytarıldı

Fazil Məmmədovun qudası güləş federasiyasına qaytarıldı Gənclər və idman nazirliyində Azərbaycan Güləş Federasiyasının seçki konfransı keçirilib.
Əvvəlcə Gənclər və İdman naziri Azad Rəhimov federasiyadakı problemlərə rəğmən idmançıların Avropa çempionatında uğurlu çıxışına qiymət verib: “Federasiyada yaşanan problemlərə baxmayaraq, idmançılarımızın uğurlu qələbələri işlərin düzgün şəkildə qurulduğunun əyani göstəricisi oldu. Növbəti sınaq, Argentinada keçiriləcək gənclərin Olimpiya oyunları olacaq ki, bu istiqamətdə də uğurlu nəticələrin olacağına ümid edirik”.
Daha sonra nazir Azad Rəhimov Namiq Əliyevin yenidən güləş federasiyasına dəvət olunduğunu və 1-ci vitse prezident vəzifəsində çalışacağını diqqətə çatdırdı. Bununla yanaşı nazir, Firdovsi Umudovun milli komandanın baş məşqçisi və federasiyanın vitse prezidenti postunda çalışacağını əlavə etdi.
Xatırladaq ki, birinci vitse-prezident təyin edilən şəxs sabiq vergilər naziri Fazil Məmmədovun qudasıdır. Belə ki, Fazil Məmmədovun qızı Namiq Əliyevin gəlinidir. Onlar qohum olana qədər də birlikdə işləyiblər. Namiq Əliyev Məmmədovun müavini vəzifəsini həm Vergilər Nazirliyində, həm də AGF-də tuturdu.
Onlar quda olduqdan sonra Namiq Əliyev Azərbaycan Güləş Federasiyasından istefa vermişdi. Fazil Məmmədov nazir postundan ayrıldıqdan sonra ƏIiyev də nazirlikdəki vəzifəsini itirdi. Maraqlıdır ki, Namiq Əliyev yenidən Fazil Məmmədovun hələ də prezidenti olduğu AGF-nin birinci vitse-prezidenti vəzifəsinə qaytarılıb.

Fazil Məmmədovun qudası güləş federasiyasına qaytarıldıFazil Məmmədovun qudası güləş federasiyasına qaytarıldı

Tehsil-press.az

Oxşar xəbərlər