Ermənistanın Baş naziri Nikol Paşinyan 2028-ci ildə Avropa Siyasi Birliyinin sammitinin Azərbaycanda keçirilməsi təşəbbüsünü müsbət qarşılayıb.O, bu barədə "X" sosial şəbəkəsində paylaşım edib.
Paşinyan bildirib ki, Ermənistan və Azərbaycanın EPC-yə ev sahibliyi üçün bir-birinin namizədliklərini qarşılıqlı şəkildə dəstəklədiklərini vurğulamaq vacibdir.
Bu qarşılıqlı yanaşma regional əməkdaşlıq və diplomatik münasibətlər baxımından önəmli addım kimi dəyərləndirilir.
"Mən EPC Sammitinin 2028-ci ildə Azərbaycanda keçirilməsi qərarını da alqışlayıram. Xüsusilə vurğulamaq lazımdır ki, Ermənistan və Azərbaycan EPC-yə ev sahibliyi etmək üçün bir-birinin namizədliyini qarşılıqlı şəkildə dəstəkləyiblər", - Deyə Paşinyan paylaşımında bildirib.
Tehsil-press.az
