"Xalqımız, Ağdama gələn qonaqlar və xüsusən də ağdamlılar üçün çox əlamətdar gündür. Bütün ağdamlıları bu münasibətlə təbrik edirəm".

Bunu açıqlamasında Milli Qəhrəman Allahverdi Bağırovun qızı Aynur Bağırova 32 ildən sonra Bakı-Ağdam sərnişin qatarının fəaliyyətinin bərpa edilməsi ilə bağlı təşkil edilən səfər çərçivəsində deyib.

"Çox istərdik ki, Ağdama çatanda, qatardan düşəndə bizi atam qarşılasın. Amma təəssüf ki, bu, mümkün deyil. Biz onu kiçik yaşlarımızda itirmişik, amma həmişə yadımıza düşəndə onu göz yaşları ilə xatırlayırıq. Bu əlamətdar günə, ümumiyyətlə, torpaqlarımızın işğaldan azad olunmasına görə cənab Prezidentə şəhid övladları adından təşəkkür edirəm", - deyə Milli Qəhrəmanın qızı vurğulayıb.

O, bundan sonra mütəmadi olaraq Ağdama getməyi düşündüklərini əlavə edib:

"Artıq hər həftə Ağdama gedəcəyik".

Tehsil-press.az