İranda artıq iki həftədir davam edən və getdikcə nəzarətdən çıxan etirazlar beynəlxalq gündəmin əsas mövzularından birinə çevrilib. Ölkədəki gərginlik fonunda İran prezidenti Məsud Pezeşkian ötən gün xalqa müraciət edərək bildirib ki, “övladlarınızı terrorçulardan ayırın”. Ali dini lider Ayətullah Xamenei isə daha sərt mövqe nümayiş etdirərək etirazçılara qarşı silahdan istifadə olunmasını, onların güllələnməsini tələb edib.

Halbuki Pezeşkian bundan əvvəlki çıxışlarında etirazçıların haqlı olduğunu, ölkədə ciddi sosial və iqtisadi problemlərin mövcudluğunu etiraf edir, cəmiyyətdə narazılığın səbəblərini anlayışla qarşıladığını deyirdi. Bu ziddiyyətli bəyanatlar isə həm İran cəmiyyətində, həm də beynəlxalq aləmdə ciddi suallar doğurur.

Bəs İranda vəziyyət bundan sonra necə dəyişə bilər? Mövcud proseslər fonunda kütləvi qaçqın dalğasının yaranması ehtimalı varmı?

TV Musavat-ın əməkdaşları bu sualla Bakı sakinlərinə müraciət edib, onların rəyini öyrənib.

Hazırladığımız videosorğunu təqdim edirik:



Tehsil-press.az