Türkiyə və ABŞ prezidentləri bu gün ilk dəfə olaraq görüşəcəklər.
Hər iki lider Suriya böhranı və PKK/PYD terror qruplaşmasının ABŞ tərəfindən silahlandırılması məsələlərini müzakirə edəcək.
Artıq prezident Rəcəb Tayyip Ərdoğan və birinci xanım Əminə Ərdoğan dövlət rəsmiləri üçün nəzərdə tutulan qonaq evi “Blair House”a keçiblər.
***
ABŞ və Türkiyə prezidentlərinin görüşü artıq başlayıb.
Donald Tramp Rəcəb Tayyib Ərdoğanı Ağ Evdə qarşılayıb.
Qeyd olunur ki, liderlər PKK-nın Suriya qolu olan YPG-yə ağır silahlar verilməsi, eləcə də FETÖ lideri Fətullah Gülənin Türkiyəyə təhvil verilməsi məsələsini müzakirə edəcəklər. 20 dəqiqəlik görüşdən sonra ortaq mətbuat konfransı keçiriləcək.
***
Trampla Ərdoğanın 22 dəqiqə davam edən görüşü artıq yekunlaşıb.
***
Dünya liderləri görüşdən sonra ortaq mətbuat konfransı keçiriblər.
“Prezident Ərdoğanı qəbul etməkdən qürur duyuram. Türkiyə kommunizmə, Sovet İttifaqına qarşı mübarizə aparıb. Türklər Amerika əsgərləri ilə birlikdə vuruşublar. Onların etdiklərini heç vaxt unutmayacağıq.
PKK və İŞİD-ə qarşı mübarizədə Türkiyənin yanındayıq”, - deyə D. Tramp bildirib.







Təhsil-press.az