Keçən həftənin bazar ertəsi günü ABŞ-ın Minnesota ştatının Minneapolis şəhərində 46 yaşlı qaradərili sakinb Corc Floydu amansızlıqla ölürən polis əməkdaşı Derek Kauvin ABŞ Cinayət Qanununun daha ağır maddələri ilə ittiham ediləcək.
Bu barədə "Star Tribune" qəzetinə Minnesota ştatının baş prokuroru Keyt Ellison məlumat verib. O, bildirib ki, Kauvinin əməli 3-cü deyil, 2-ci kateqoriyalı cibnayətdir və onu daha ağır gözləyir. Həmçinin hadisə yerində olan digər 3 polis əməkdaşıb da cinayətə yardım və məsuliyyətsizliyə görə ittiham olunacaq.
Dələduzluğa görə axtarılan şəxsi küçədə dizi ilə boğan polislər ilk olaraq iyunun 8-də məhkəmə qarşısına çıxarılacaq.
Qeyd edək ki, məlum hadisədən sonra ABŞ-da kütləvi etirazlar və iğtişaşlar başlayıb.

Tehsil-press.az