Azərbaycanda fəaliyyət göstərən dövlət və qeyri-dövlət ali təhsil müəssisələrini ötən il magistratura səviyyəsi üzrə 6094 nəfər bitirib.
Bu məlumat Dövlət Statistika Komitəsinin “Azərbaycanda təhsil, elm və mədəniyyət-2020” məcmuəsində əks olunub.
Məcmuədə bildirilir ki, magistrlər daha çox iqtisadiyyat və idarəetmə ixtisasları qrupuna (1964 nəfər) üstünlük veriblər. İkinci yerdə texniki və texnoloji ixtisaslar qrupu (1153 nəfər), üçüncü yerdə humanitar və sosial ixtisaslar qrupu (824 nəfər) gəlir. Təhsil ixtisasları qrupunu isə 784 nəfər seçib.

Tehsil-press.az