İranın hüquq-mühafizə orqanları tərəfindən 2020-ci ildə 1200 ton narkotik vasitə müsadirə edilib.
Bu barədə İranın narkotik vasitələrin qanunsuz dövriyyəsinə qarşı mübarizə idarəsinin rəisi general İsgəndər Mömin məlumat verib. O bildirib ki, narkotik vasitələrin qaçaqmalçılığı ilə kəskin mübarizəyə baxmayaraq, qanunsuz yollarla İrana narkotik vasitə keçirilməsi cəhdlərinə rast gəlinir. Əvvəlki illərlə müqayisədə narkotik vasitələrin qaçaqmalçılığında 41 faiz artım müşahidə edilib. 2020-i ildə qaçaqmalçılarla mübarizədə hüquq-mühafizə orqanlarının 9 əməkdaşı həlak olub.
İ.Möminin sözlərinə görə, son 10 ildə dünyada narkotik vasitələrin istehsalı və istehlakı 2 dəfə artıb. Bunun qarşısını almaq üçün beynəlxalq əməkdaşlıq zəruridir.

Tehsil-press.az