Türkiyənin səhiyyə naziri Fəxrəddin Qoca ölkədə maskadan nə zaman imtina ediləcəyi ilə bağlı sualı cavablandırıb.
Nazir maska məhdudiyyətinin ölkə əhalisinin 70%-i vaksinasiyadan keçdikdən sonra aradan qaldırılacağını bildirib.
“Bildiyiniz kimi, intensiv peyvəndləmə işi aparırıq və bu vaksinin təsiri 14 gündən sonra yaranır. Qarşıdakı dövrdə məcburiyyət olmadıqca məhdudiyyətlər tətbiq etməyi istəmirik. Məsafə gözlənilirsə, maska taxmağa ehtiyac yaranmır, yalnız qapalı məkanlarda taxılmalıdır. Ancaq məsafənin qorunmadığı açıq havada da maska məcburiyyəti var. Peyvəndlənmə azı 70% olarsa, maskalardan xilas ola bilərik”.

Tehsil-press.az