Dünya şöhrətli britaniyalı aktyor Cek Hedli 92 yaşında vəfat edib.
Ağır xəstəliklə mübarizə aparan Hedli dekabrın 11-də dünyasını dəyişib.
Aktyorun vəsiyyətinə görə dəfn olmayacaq.
Qeyd edək ki, Hedli 1929-cu ildə Londonda anadan olub. O, 1950-ci illərdə filmlərdə rol almağa başlayıb. Aktyor, 1960-cı illərin əvvəllərində “BBC”nin “Tim Frazerin dünyası” serialında rol alıb və həmin onillik ərzində “Ərəbistanlı Lourens”, “Qırmızı Bıçaq”, “Cadu və Qan Adasının Sirri” daxil olmaqla bir çox filmdə çəkilib.
Hedli Ceyms Bondun "Yalnız Sənin Gözünə" (For Your Eyes Only) filmində ser Timoti Havelok rolunu canlandırıb. Ondan sonra Lusio Fulcinin "The New York Ripper" filmində rol alıb.

Tehsil-press.az