AR ETN Botanika İnstitutunun Ali bitkilərin sistematikası və filogeniyası şöbəsinin müdiri, biologiya elmləri doktoru, professor Aydın Əsgərovun həmmüəllif olduğu “Cənubi Qafqazda Utricularia cinsinin müxtəlifliyinə töhfə” adlı məqalə Scopus elmi bazasına daxil olan “Botanica” jurnalında işıq üzü görüb.

Məqalədə Utricularia neglecta Lehm. bitki növünün Azərbaycan və Cənubi Qafqaz üçün yeni növ kimi təsdiqlənməsindən bəhs olunub.

Tədqiqat nəticəsində məlum olub ki, Samur – Yalama Milli Parkı yaxınlığından, Xəzər dənizi sahillərindən tərəfimizdən toplanılmış herbari nüsxələrinin təhlili nəticəsində ilk dəfə olaraq Cənubi Qafqaz üçün yeni növ - Utricularia neglecta Lehm. bitki növü aşkar edilmişdir. Bu, Azərbaycan, Gürcüstan və Ermənistan ərazilərində ilk tapıntıdır.

Tehsil-press.az