Şotlandiya Milli Partiyasının (SNP) deputatı Con Nikolson Britaniya parlamentində krallığın gənclərinin nümayəndələri qarşısında çıxış edərək qanunverici orqanının “dünyanın ən mavi parlamentinə” çevrildiyini bəyan edib. Onun sözlərinə görə, bu, xüsusən də qeyri-ənənəvi oriyentasiyaya malik SNP deputatlarının çoxluğu səbəbindən baş verib.
“Mən öz homoseksuallığını açıq şəkildə bəyan edən ilk BBC aparıcısı olmuşam. Bu, cəmiyyətdə əsl dəhşətə səbəb oldu və hadisə bütün tabloidlərin ön səhifələrinə çıxarıldı. İndi mən parlamentdə otururam. Bizim oturacaqlarımızda, yəni Şotlandiya Milli Partiyasının yerlərində o qədər LGBT icmasının üzvü var ki, artıq Vestminster dünyanın ən mavi parlamentinə çevrilib”, - Nikolson bildirib.
Şotlandiyalı deputat vurğulayıb ki, gəncliyində Britaniya parlamentinin başına belə bir hadisənin gələ biləcəyinə inanmazdı.

Tehsil-press.az