Rusiya xarici işlər nazirinin müavini Mixail Qaluzin Moldovanı NATO ilə əməkdaşlığına görə Kişinyovun fəlakətlə üzləşəcəyini deyərək hədələyib.
Oz növbəsində Moldova xarici işlər nazirliyi Rusiya terrorçularının hədələrinə sərt cavab verib
Moldova XİN - in spikeri Daniel Vodenin qeyd etdiyi kimi, Moldova dinc və neytral dövlətdir. Ancaq " bitərəflik özünü təcrid etmək, silahsızlaşdırmaq və ya dünyada baş verənlərə laqeyd yanaşmaq demək deyil."
"Biz dünyanın ən güclü siyasi - hərbi Alyansı olan NATO vasitəsilə müstəqilliyimizi möhkəmləndirməkdə maraqlıyıq. Bu təşkilatla əməkdaşlığımız şəffafdır və tanınmış beynəlxalq hüquq normalarına əsaslanır", - deyə Vode qeyd edib.
Moldovalı diplomat regionda "Rusiyanın Ukraynaya qarşı qəddar təcavüzü" nün yaratdığı, onun dövləti üçün də "dramatik nəticələrə" səbəb olan çətin vəziyyəti qeyd edib. O, qarşılaşdığı çoxsaylı təhlükələri aradan qaldırmaq üçün Moldovanın dostlarının birgə səylərinin vacibliyini qeyd edib.
"Biz azad bir ölkəyik və ölkəmizi necə inkişaf etdirəcəyimizə qərar veririk",- deyə Vode bildirib.
Rusiyalı diplomat Qaluzin iddialarını RİA Novosti-nin təbliğatçılarına verdiyi müsahibədə səsləndirib. O bildirib ki, Moldovanın NATO ölkələri ilə əməkdaşlığının gücləndirilməsi guya bu dövlətin təhlükəsizliyinə xələl gətirir.

Tehsil-press.az