Qazaxıstanın Manqistau vilayətinin Janaozen şəhərində etiraz aksiyası keçirən və buna görə aprelin 11-də saxlanılan neftçilər sərbəst buraxılıblar.
Bu barədə Qazaxıstanın Baş prokurorunun müavini Jandos Dyadliyev bildirib.
Onun qeyd edib ki, ən fəal mitinqçilərdən beşi icazəsiz aksiyada iştirak etdiklərinə görə inzibati məsuliyyətə cəlb olunub. onlara xəbərdarlıq edilib və sonra sərbəst buraxılıblar.
Qazaxıstan Baş Prokurorluğu əlavə edib ki, Astanada etirazçıların maraqlarını müdafiə edərək danışıqlar aparacaq on janaozent qalıb.
Ötən bazar ertəsi Janaozendəki "Berali Mangistau Company"nin işdən çıxarılan 150 - yə yaxın işçisi Astanadakı Energetika Nazirliyinin binasına toplaşaraq işə bərpa edilmələrini tələb ediblər. Buna cavab olaraq polis çərşənbə axşamı gecə yüzdən çox etirazçını həbs edib. Qazaxıstan KİV-lərinin və şahidlərin məlumatına görə, bunu öyrənən Janaozen sakinləri məhbusların sərbəst buraxılması tələbi ilə küçələrə çıxdılar. Şəhər Administrasiyasının qarşısında iki minə qədər insan toplandı. Neft-qaz sektoru müəssisələrinin işçiləri həmkarları ilə həmrəylik nümayiş etdirərək bir neçə saat işlərini dayandırıblar. Şahidlərin sözlərinə görə, aprelin 11-də şəhərdə İnternet demək olar ki, yoxa çıxıb, mobil rabitədə fasilələr başlayıb. Nəticədə polis həbs edilənləri azad etməyə məcbur olub.

Tehsil-press.az