“Azərbaycanla Ermənistan arasında çox vacib sülh sazişi məsələsi ABŞ Dövlət Departamentinin bundan sonra da dərindən məşğul olacağı məsələdir”.
Bunu açıqlamasında ABŞ Dövlət Departamentinin mətbuat katibinin müavini Vedant Patel deyib.
Onun sözlərinə görə, irəliyə doğru aydın bir yol var. V.Patel mayın əvvəlində hər iki ölkənin rəsmilərini qəbul etməkdən məmnunluğunu dilə gətirib.
Vedant Patel bildirib ki, bu danışıqlar səmərəli olub və Brüsseldə keçiriləcək danışıqların davamı üçün zəmindir.
Dövlət Departamentinin rəsmisi qeyd edib ki, hərbi əməliyyatlar davamlı və ləyaqətli sülhə doğru əldə olunan tərəqqiyə xələl gətirir.

Tehsil-press.az