Ukrayna Prezidenti Volodimir Zelenski “əks-hücuma silah toplamaq” üçün Avropaya səfər edib.
Bu barədə Ukraynanın xarici işlər naziri Dmitri Kuleba özünün feysbuk səhifəsində yayım zamanı bildirib.
“Prezident əks-hücum üçün silah toplayır, təkcə konkret əks-hücum üçün deyil, həm də müharibə üçün... Prezident hərbi paketlərlə bağlı qərarlar olmadığı halda xaricə səfər etmir. Bu, onun prinsipial mövqeyidir”, - nazir qeyd edib.
Qeyd edək ki, mayın 13-də Zelenski Romaya və Vatikana səfər edib, burada bir sıra görüşlər keçirib. Ukrayna Prezidenti hazırda Böyük Britaniyada səfərdədir.

Tehsil-press.az