Ac qalaraq arıqlamaq tarix boyu tez-tez istifadə edilən bir üsuldur. Ancaq uzun müddətli aclıq bir çox mütəxəssis tərəfindən dəstəklənmir. Dünyanın ən uzun aclığını yaşayan Anqus Barbieri 1965-ci ildə 207 kiloqram idi. Arıqlamaqda qərarlı olan Barbieri o dövrdə həkimlərin tövsiyə etdiyi maraqlı pəhriz proqramını qəbul edib.1965-ci ildə 27 yaşlı şotlandiyalı Anqus Barbieri artıq çəkidən şikayətlənərək Dandi Universitetinin Tibb Fakültəsinə müraciət edib. Müraciət zamanı Barbierinin çəkisi 207 kiloqram idi. Həkimlərinin məsləhəti ilə o, tez arıqlamaq üçün 40 günlük aclıq proqramı ilə pəhrizə başladı. 40 gün ərzində arıqladığını görən Angus Barbieri bu aclığını davam etdirmək istədiyini və ideal çəkisi 82 olduğu qədər həvəsli olduğunu bildirib. Həkimlər Barbierinin daimi müşahidədə olması şərti ilə onun xahişini qəbul ediblər.
Barbieri aclıq dövründə çox vaxt evdə qalırdı. Qalan vaxtda o, xəstəxanaya gedib və həkimlərin lazım bildiyi analizlərdən keçirdi. Həkimlər Barbierini daim müşahidə altında saxlayıblar. Çünki bu cür uzunmüddətli aclıq pəhrizlərində çoxlu sayda insan aclıqdan ölüm halları yaşamışdır.
Bu cür aclıq zamanı 2 nəfər ürək çatışmazlığından, 1 nəfər nazik bağırsaq keçməzliyindən, 2 nəfər aclıq bitdikdən sonra təkrar qidalanma sindromundan dünyasını dəyişib.
Sonrakı dövrlərdə həkimlərin məsləhəti ilə Barbieri müxtəlif vitaminlər və natrium və kalium əlavələrindən istifadə edib. Bu müddət ərzində o, mineral su, şəkərsiz çay və qəhvə kimi kalorisiz mayelər qəbul edib. Barbierinin qan şəkəri aşağı düşdmüşü və o, 37 ilə 48 gün arasında yalnız bir dəfə nəcis edə bilmişdi.
Ancaq bu vəziyyət uzun müddət davam etdikdə və maddələr mübadiləsi sürəti yavaşlamağa alışdıqda heç bir mənfi təsir göstərmədi. 11 iyul 1966-cı ildə Angus Barbieri 125 kilo arıqladı və aclığını 82 kilo ilə tamamladı. O, 382 gün ac qaldıqdan sonra bir dilim yağlı çörək, bir qaynadılmış yumurta və bir fincan qəhvə ilə səhər yeməyi yedi. Barbieri hələ o zaman yeməkdən çox həzz aldığını və çox tox olduğunu bildirmişdi.
Ancaq bir çox insanlar bu rekordu tamamlamaq istəsələr də həyatlarını itirdilər. Ən çox ölüm təkrar yemək dövürlərində baş vermişdi.
1970-ci illərdə bu metodun ölüm nisbətini artırması qərara alındı və tətbiqindən imtina edildi.
Tehsil-press.az
