“Bir gün eşidəcəksiniz ki, mən də yoxam”.

Bu sözləri mərhum sənətkar Cavanşir Məmmədovun vida mərasimində Əməkdar artist Aybəniz Haşımova deyib.

O, mərhum sənətçini illərdir tanıdığını vurğulayıb.

“Mən balaca uşaq idim, Cavanşir müəllim “Xatirə” ansamblında qarmon ifaçısı idi. Orada gördüm ki, necə qayğıkeş, necə musiqi üçün çalışan insan olub”, - deyə o qeyd edib.

Qeyd edək ki, Aybəniz Haşımova vida mərasiminə tibbi maskada qatılıb və səhhətində kiçik problem olduğunu bildirib.
Əməkdar artist sağlamlığınızda nə kimi problem var sualına isə cavab verməkdən yayınıb.

“İnşallah tezliklə sağalaram”, - deyə A.Haşımova bildirib.

Xatırladaq ki, Əməkdar artist Cavanşir Məmmədov dünən qəfil vəfat edib. Onun ürək çatışmazlığından dünyasını dəyişdiyi bildirilir.

Tehsil-press.az