![15-16 iyun tarixlərində “Kənddən Şəhərə” həftəsonu yarmarkası təşkil olunacaq](https://e.mail.ru/cgi-bin/getattach?file=sayt+%2816%29.jpg&id=17182807180591714755%3B0%3B3&mode=attachment&project=cloud&x-email=tehsil-press.az%40mail.ru)
Yarmarkada 20-dək regiondan 40-a yaxın fermerin iştirakı gözlənilir. Nərimanov rayonu, Fətəli xan Xoyski küçəsi, 5 (“Gənclik” metro stansiyasının çıxışı) ünvanında fəaliyyət göstərəcək yarmarkada fermerlər müxtəlif bölgələrdən 100-ə qədər çeşiddə kənd təsərrüfatı və qida məhsullarının satışını həyata keçirəcəklər. Yarmarkada satışa çıxarılan məhsulların keyfiyyətinə Azərbaycan Qida Təhlükəsizliyi Agentliyi nəzarət edəcək, yarmarkada Səyyar Qida Laboratoriyası fəaliyyət göstərəcək.
Yarmarka 2 gün müddətində saat 09:00-dan 19:00-dək fəaliyyət göstərəcək. Fermerlər ödənişsiz şəkildə piştaxta, tərəzi və digər lazımi avadanlıqlarla təmin olunacaqlar.
Qeyd edək ki, “Kənddən Şəhərə” yarmarkalarında məhsulunu satmaq istəyən fermerlər +994 50 400 88 99 çağrı mərkəzi ilə əlaqə saxlaya və ya yarmarkanın sosial şəbəkə hesabları üzərindən müraciət edə bilərlər.
Tehsil-press.az