Gürcüstanın sabiq Prezidenti Salome Zurabişvili Orbeliani sarayını tərk edib.

Zurabişvili mətbuat qarşısında çıxışından sonra iqamətgahın qarşısına toplanmış etirazçıların yanına keçib.

***11:34

Gürcüstan prezidenti Salome Zurabişvili yeni dövlət başçısı Mixail Kavelaşvilinin andiçmə mərasimindən sonra Tbilisidəki prezident sarayını tərk edəcək, lakin o, prezident postunda qalmaq niyyətindədir.

Bu barədə dövlət başçısı brifinqdə bildirib.

“Mən buradan gedəcəm”, - Zurabişvili sarayın qarşısında toplaşan etirazçılara deyib. Dekabrın 29-da səhər saatlarında prezident Salome Zurabişvilinin postunu tərk etmək niyyətində olmadığı barədə bəyanatları fonunda iki minə yaxın insanın Tbilisinin mərkəzindəki prezident sarayına gəldiyi bildirilib.



Tehsil-press.az