Tokio Universiteti Xəstəxanasının həkimləri Yaponiya imperatoru Akihitoya miokardın ağrısız işemiyası diaqnozu qoyublar.

Bu barədə İmperator Xanədanlığı İdarəsi məlumat verib.

İdarə 91 yaşlı eks-monarxın keçdiyi tibbi müayinənin nəticələrini açıqlayıb.

Bəyanatda bildirilib ki, fəxri imperatorun tibbi müşahidə altında qalmasına ehtiyac var.

Xatırladaq ki, Akihito mayın 6-da tibbi müayinə üçün xəstəxanaya yerləşdirilib, mayın 10-da xəstəxananı salamat şəkildə tərik edib və Tokiodakı iqamətgahına qayıdıb.

Akihito 1989-cu il yanvarın 7-dən 2019-cu ilin aprelin 30-dək - qocalıq səbəbindən könüllü olaraq istefa verməsinə qədər hakimiyyətdə olub. 1 may 2019-cu ildə onun böyük oğlu Naruhito Yaponiya imperatoru olub. Hazırda fəxri imperator tituluna sahib olan Akihito əvvəllər də ürəklə bağlı problemlər yaşayıb - 2022-ci ildə əməliyyat olunub.

Tehsil-press.az