Dəcəl oğlan uşaqları gələcəkdə cəmiyyətə necə faydalı ola bilər? Bu uşaqlar necə tərbiyə olunmalıdır? Böyüklərin bir çoxu deyir ki, oğlanlar az yaşından aktiv olmalıdır. “Arb” kanalında yayımlanan “Sən olsaydın” verilişində qonaq qismində iştirak edən psixoloq Ülviyyə Murtuzova məsələ ilə bağlı fikirlərini bölüşüb.

Psixoloq bildirib ki, oğlan uşaqlarının dəcəl olması milli-mənəvi dəyərlərdən irəli gəlir. Uşaq ətrafındakı insanlara və hadisələrə reaksiya verməlidir. Lakin həddən artıq valideynlə ünsiyyəti alınmayan uşaqlar hiperaktiv sayılır. Bu isə davranış pozuntusudur.

Həmçinin, Ülviyyə Murtuzova qeyd edib ki, uşaqların 3 yaşa qədər tərbiyəsi formalaşır. 6 yaşda isə tam başa çatır. Ümumilikdə, tərbiyə ya var, ya da yoxdur. Tərbiyənin formalaşmasında valideynin rolu böyükdür. Cəmiyyət sadəcə onun inkişafını ləngidə bilir.

Tehsil-press.az