Azərbaycanda 3 adda dərmanın istifadəsi qadağan edildi

Azərbaycanda 3 adda dərmanın istifadəsi qadağan edildi Çinin “Zhejiang Huahai Pharmaceuticals” şirkətinin “valsartan” təsiredici maddə substansiyasından istifadə edilərək istehsal olunmuş dərman vasitələri geri çağırılıb.
Geri çağırılan dərmanlar bunlardır- VALZ, örtüklü tabletlər №28, valsartan 80 mg (Balkanfarma-Dupnitsa AD, Bolqarıstan), VALZ, örtüklü tabletlər №28, valsartan 160mg (Balkanfarma-Dupnitsa AD, Bolqarıstan), VALZ H, örtüklü tabletlər №28, valsartan/hydrochlorothiazide 80mg/12.5mg (Balkanfarma-Dupnitsa AD, Bolqarıstan), VALZ H, örtüklü tabletlər №28, valsartan/hydrochlorothiazide 160mg/12.5mg (Balkanfarma-Dupnitsa AD, Bolqarıstan), KoValsar-Denk, örtüklü tabletlər №28 (4x7), valsartan/hydrochlorothiazide 80mg/12.5mg (“Denk Pharma GmbH & Co.KG”, Almaniya), KoValsar-Denk, örtüklü tabletlər №28 (4x7), valsartan/hydrochlorothiazide 160mg/12.5mg (“Denk Pharma GmbH & Co.KG”, Almaniya), KoValsar-Denk, örtüklü tabletlər №28 (4x7), valsartan/hydrochlorothiazide 320mg/12.5mg (“Denk Pharma GmbH & Co.KG”, Almaniya).
Mərkəzdən əlavə ediblər ki, dərman istehsalında istifadə olunan substansiyada gözlənilməyən maddə tapılıb. Azərbaycan ərazisində istifadə olunan valsartan tərkibli dərman vasitələrindən müxtəlif doza və qablaşdırmada olan yalnız üç adda dərman vasitəsinin (VALZ, VALZ H, KoValsar-Denk) istehsalında Çinin Zhejiang Huahai Pharmaceuticals şirkətinin istehsalı olan valsartan təsiredici maddə substansiyasından istifadə edilib və VALZ , VALZ H və KoValsar-Denk dərman vasitələri geri çağırılıb. Xəbərdə deyilir ki, Avropa Dərman Agentliyi (EMA) Çinin Zhejiang Huahai Pharmaceuticals şirkətinin istehsalı olan valsartan təsiredici maddə substansiyasından istifadə edən şirkətlərin valsartan tərkibli dərman vasitələrinin qiymətləndirilməsini həyata keçirir. Bu tədbir Avropa Birliyində bir sıra şirkətlərin valsartan tərkibli dərman vasitələrinin istehsalında valsartan təsiredici maddə substansiyası olaraq istifadə etdikləri Çinin Zhejiang Huahai Pharmaceuticals şirkətinin istehsalı olan valsartan təsiredici maddə substansiyasında N-nitrosodimethylamine (NDMA) maddəsinin tapılması ilə əlaqədardır. Laborator testlərin nəticələrinə əsasən N-nitrosodimethylamine (NDMA) maddəsi kanserogen xüsusiyyətlərə malik ola biləcək bir maddə olaraq qiymətləndirilir. Valsartan arterial hipertenziyalı xəstələrin müalicəsi üçün, həmçinin ürək çatışmazlığı və ya miokard infarktı keçirmiş xəstələrin kombinəolunmuş müalicəsinin tərkibində istifadə edilir. Azərbaycan ərazisinə Çinin Zhejiang Huahai Pharmaceuticals şirkətinin istehsalı olan valsartan təsiredici maddə substansiyasından istifadə etmiş şirkətlərin valsartan tərkibli dərman vasitələrinin idxalı qadağan olunub.
Mərkəz həkim və xəstələrə də müraciət edib. Xəstələrə müalicə həkiminin göstərişi olmadan valsartan qəbulunu dayandırmamaq tövsiyə edilib. Tibb işçilərinə isə geri çağırılan dərmanların adları açıqlanmaqla xəbərdarlıq olunub. Hazırda əhəmiyyətli miqdarda olmayan həmin maddənin potensial riskləri qiymətləndirilir.

Tehsil-press.az

Oxşar xəbərlər