Misirdə son sutka ərzində koronavirusa yoluxanların sayı 535 nəfər artıb. Bu, xəstəliyin yayılmağa başlamasından indiyədək ölkədə qeydə alınan ən yüksək göstərici olub.
Bu barədə Səhiyyə Nazirliyinin rəsmi nümayəndəsi Xalid Mücahid məlumat verib. Bununla da Misirdə koronavirusa yoluxanların ümumi sayı 12 764-ə yüksəlib.
Son 24 saat ərzində daha 15 nəfər xəstəliyin qurbanı olub. Nəticədə ölkədə koronavirusdan ölənlərin sayı 645-ə çatıb.
Bundan əlavə, indiyədək 3 440 pasiyent sağalıb. Tibb müəssisələrində 8 679 nəfərin müalicəsi davam etdirilir. Onlardan 41-nin vəziyyəti ağır qiymətləndirilir.

Tehsil-press.az