Bakının uzun illər tarixi məhəllələrindən biri kimi tanınan “Sovetski” ərazisi indi tamamilə yeni bir simaya bürünür. Son illər ərzində burada aparılan genişmiqyaslı yenidənqurma işləri nəticəsində sökülən köhnə tikililərin yerində Mərkəzi Park salınıb və bu məkan paytaxtın müasir görkəminə öz damğasını vurub.

Bu ərazidə yaradılan geniş yaşıllıq zolaqları və abadlaşdırılmış istirahət məkanları Bakının keçmişi ilə bu günü arasındakı fərqi aydın şəkildə göstərir.

Şəhərin inkişafı çərçivəsində həyata keçirilən abadlıq işləri təkcə paytaxtın memarlıq üslubunu yeniləmək deyil, həm də onun sosial və mədəni həyatına müsbət təsir göstərmək məqsədi daşıyır. Vaxtilə dar küçələri və köhnə evləri ilə seçilən “Sovetski” indi sakinlər və turistlər üçün cəlbedici istirahət məkanına çevrilib.

Sakinlər də mövcud durumdan razıdır.

Onlar indiki vəziyyətlə bağlı fikirlərini Xəzər TV-nin hazırladığı sujetdə bildiriblər.

Həmin sujeti təqdim edirik:



Tehsil-press.az