İki nüfuzlu universitetdən eyni anda magistr diplomu almağa hazırsınız?
Biotexnologiya sahəsində beynəlxalq karyera qurmaq istəyirsinizsə, bu fürsət sizin üçündür!
Bakı Dövlət Universiteti və Yerusəlim İbrani Universiteti (HUJI) birgə ikili diplom proqramına qəbul elan edir!
HUJI – dünya reytinqində TOP 300-də qərarlaşan, əsası Albert Eynşteyn və məşhur biokimyaçı, İsrailin ilk prezidenti Haym Veyzman tərəfindən qoyulmuş qabaqcıl təhsil və elm ocağıdır.
Proqramın üstünlükləri:
• Tədrisin ilk ili – I semestr BDU-da, II semestr HUJI-də
• Diplom müdafiəsi olmadan HUJI magistr dərəcəsi (non-thesis)
• Təhsilin ikinci ilini BDU-da davam etdirərək iki magistr diplomu əldə etmək imkanı
Kimlər müraciət edə bilər?
• “Biologiya”, “Biologiya müəllimliyi”, “Kimya”, “Kimya müəllimliyi”, “Kimya mühəndisliyi”, “Fizika”, “Fizika müəllimliyi” və ya “Ekologiya” ixtisasları üzrə bakalavr dərəcəsi olanlar
• ÜOMG 80 və yuxarı
• IELTS 6+ və ya TOEFL iBT 89+
• Tövsiyə məktubu və tibbi arayış
Son müraciət tarixi: 20 avqust 2025
Sənədlərinizi və suallarınızı [email protected] ünvanına göndərin.
Gələcəyini beynəlxalq diplomla formalaşdır!
Bu proqram Azərbaycan Respublikası Prezidentinin 711 nömrəli Sərəncamı ilə təsdiq olunmuş Dövlət Proqramı çərçivəsində həyata keçirilir.

Tehsil-press.az