Dubay Marina ərazisində 377 metr hündürlüyə malik Ciel Dubai Marina oteli qapılarını ilk qonaqlarının üzünə açıb.82 mərtəbədən ibarət nəhəng kompleksdə 1004 otaq, həmçinin Asiya, Aralıq dənizi və ev üslublu yeməklər təqdim edən bir neçə restoran fəaliyyət göstərir.
Yeni otel bununla da əvvəlki rekordsahibini – hündürlüyü 365 metr olan başqa bir Dubay otelini geridə qoyub. Dünyaca məşhur, yelkən formasındakı Burj Al Arab da siyahıda yer alır: onun ümumi hündürlüyü, o cümlədən şpili 321 metrdir.
Mütəxəssislər bildirirlər ki, Dubay yenə də dünyanın ən hündür otellərinin paytaxtı olaraq qalır – hazırda dünyanın fəaliyyət göstərən ən yüksək 10 otelinin 8-i məhz bu əmirlikdə yerləşir.
Tehsil-press.az
