Azərbaycan Dövlət İqtisad Universiteti (UNEC) ilə “Thomson Reuters” şirkəti birgə beynəlxalq konfrans keçirəcək.
Bu barədə universitetin elm şöbəsinin müdiri, professor Zahid Məmmədovun dünyanın aparıcı informasiya agentliyi olan “Thomson Reuters”in elmi-tədqiqatlar və intellektual mülkiyyət departamentinin rəhbəri Oleq Utkinlə görüşündə danışılıb.
Görüşdə bu ali məktəblə “Thomson Reuters” arasında əməkdaşlıq münasibətləri müzakirə edilib. Elmi kommunikasiya mövzusunda birgə beynəlxalq konfransın keçirilməsi, dünya standartlarına uyğun elmi jurnalın nəşri, elmimetrik mövzuda dərsliyin tərcüməsi və digər məsələlər ətrafında fikir mübadiləsi aparılıb. Gələn ilin mayında “Thomson Reuters” və UNEC-in birgə təşkilatçılığı ilə keçiriləcək beynəlxalq konfransa hazırlıqla bağlı məsələlər müzakirə olunub.

UNEC-in Mətbuat Xidməti