Azərbaycan Dövlət İqtisad Universitetinin (UNEC) beynəlxalq iqtisadiyyat (ingilis dilli) kafedrasının müəllimi Fəxri Məmmədov və Beynəlxalq İqtisadiyyat Məktəbinin 10 tələbəsi Alman Akademik Mübadilə Xidmətinin (DAAD) maliyyə dəstəyi ilə Almaniyanın Siegen Universitetində olublar.
F.Məmmədov mübadilə proqramı çərçivəsində bir həftə UNEC və Siegen Universitetinin tələbələrinə “Maliyyə bazarları” mövzusunda mühazirə keçib.
Qeyd edək ki, noyabrın sonunda mübadilə proqramı çərçivəsində Siegen Universitetinin professoru Petra Muq və 11 alman tələbənin UNEC-ə səfəri gözlənilir. Petra Muq bir həftə ərzində alman və yerli tələbələrə “Sahibkarliq” mövzusunda dərs keçəcək.

UNEC-in Mətbuat Xidməti