İstanbul şəhərinin Ortaköy rayonunda yerləşən “Reina” gecə klubunda Yeni il axşamı terror aktı törədən şəxsin görüntüləri yayılıb.

Tehsil-press.az “Haberturk”ə istinadən xəbər verir ki, İstanbul Terrorla Mübarizə Şöbəsinin əməkdaşları təhlükəsizlik kameralarından terrorçunun görüntüsünü əldə ediblər.
Videoda onun hadisə yerindən taksiyə minərək uzaqlaşdığı və daha sonra avtomobildən düşdüyü görünür.
Taksi sürücüsü ilə mübahisə edən terrorçunun başqa bir taksiyə minərək qaçdığı an kameralara həkk olunub.
Qeyd edək ki, “Reina”da törədilən terakt nəticəsində 16 nəfər əcnəbi olmaqla, ümumilikdə 39 insan ölüb. Ölənlər arasında Səudiyyə Ərəbistanı, Mərakeş, Livan, Liviya, İordaniya və İsrail vətəndaşları var.