Xırdalan şəhər 26 saylı körpələr evi-uşaq baxçasında 1 iyun - Uşaqların Beynəlxalq Müdafiəsi Günü ilə bağlı tədbir keçirilmişdir.Qonaqları salamlayan körpələr evi-uşaq bağçasının müdürü Nigar Səfərova tədbiri açaraq demişdir:
- Əziz uşaqlar, əziz balalar, siz həyatda ilk addımlarınızı atırsınız. Hələ uşaqsınız, körpəsiniz, ancaq çox istedadlısınız, siz bacarıqlısınız. Sizin çox gözəl gələcəyiniz vardır. Şübhəsiz ki, bu gələcək həm sizdən asılıdır, həm sizin valideynlərinizdən asılıdır, həm də sizə təhsil verən, tərbiyə verən insanlardan asılıdır. Ümidvar olduğumu bildirmək istəyirəm ki, siz də və sizinlə məşğul olan hər bir Azərbaycan vətəndaşı da bugünkü uşaqların böyüyüb boya-başa çatmasında, onların gələcəkdə Azərbaycanın dəyərli vətəndaşları olmasında öz səylərini bundan sonra daha da çoxaldacaqlar, əsirgəməyəcəklər.
Sonra 1 iyun - Uşaqların Beynəlxalq Müdafiəsi Günü ilə bağlı hazırlamış maraqlı kompozisiyalar nümayiş etdirilib. Balaca fidanların şeirləri, mahnıları, rəqsləri və çıxış etdikləri səhnəcikləri tədbir iştirakçılarında xoş əhval-ruhiyyə yaratmışdır.
Afət Abbasova
