Moskva üzrə İstintaq Komitəsinin Baş İstintaq İdarəsi “Lotu Quli” kimi tanınan azərbaycanlı kriminal avtoritet Nadir Səlifovu beynəlxalq axtarışa verib.
Hüquq-mühafizə orqanlarından “Rosbalt” agentliyinə verilən məlumata görə, “Lotu Quli” Moskvada adam oğurluğu və hədə-qorxu ilə insanlardan pul almaqda təqsirli bilinir.
Qeyd olunur ki, o, qiyabi olaraq Rusiya Federasiyası Cinayət Məcəlləsinin 126 və 163-cü maddələri ilə ittiham olunur.
“İstintaq materiallarına 210-cu maddə (cinayət təşkilatının yaradılması) da əlavə olunacaq”, - deyə mənbə bildirib.

Tehsil-press.az