Diasporla İş üzrə Dövlət Komitəsinin keçmiş sədri Nazim İbrahimov qızının toyunu təxirə salıb.
Ötən ilin dekabrında nişanlanan Kəmalə İbrahimovanın toyu aprelin 14-də baş tutmalıymış. Hətta toyun məkanı danışılıb, dəvətnamələr də paylanılıbmış. Belə ki, toyun keçiriləcəyi məkan olaraq "Alov qüllələri”ndəki "Fairmont” otellə razılıq əldə olunub. Lakin növbədənkənar prezident seçkilərindən sonra toy təxirə salınıb. Qonaqlara isə səbəb kimi prezident seçkilərindən sonra tədbirlərin çox olduğu, məhz bu səbəbdən toyun başqa tarixə keçirildiyi deyilib.
Mənbənin saytımıza verdiyi məlumata görə, toyu təxirə salan tərəf İbrahimovlar olub. Buna səbəb isə N. İbrahimovun seçkilərdən sonra formalaşdırılacaq yeni kabinetdə yer almayacağı barədə xəbərlər alması olub.
Bundan başqa, toyun keçiriləcəyi məkan üçün və təşkilati işlərə xeyli miqdarda pul xərclənilib.
Qeyd edək ki, K.İbrahimova "DeCamie” moda evinin sahibidir.
Məlumat üçün bildirək ki, Azərbaycanda növbədənkənar prezident seçkiləri aprelin 11-də baş tutub. Seçkilərdən sonra aprelin 18-də Nazirlər Kabineti tam tərkibdə istefaya göndərilib. Prezident İlham Əliyevin sərəncamı ilə N. İbrahimovun yerinə deputat Fuad Muradov təyin edilib.
***
İbrahimovlar ailəsindən toyun təxirə salınması ilə bağlı “Qafqazinfo”ya açıqlama verilib. Bildirilib ki, yayılan məlumat doğru deyil :
“Nazim İbrahimovun qızı Kəmalə İbrahimovanın toyu aprelin 14-nə deyil, elə əvvəldən mayın 5-nə təyin olunub. Məclis həmin tarixdə "JW Marriott Absheron" oteldə keçiriləcək".
K. İbrahimova iş adamı Kamran Əliyevlə ailə həyatı quracaq.

Tehsil-press.az