Cənubi Koreyanın sabiq Xarici İşlər nazirinin oğlu Çxo İn Quk Şimali Koreyaya qaçıb.
O, sözügedən ölkədən siyasi sığınacaq istəyib. Çxo İn Quka isti münasibət göstərilib.
Belə ki, onun 1960-cı illərdə nazir olan atası Çxo Tok-sin də həyat yoldaşıyla vaxtı ilə Şimali Koreyaya qaçıb.
Sabiq nazirin 73 yaşlı oğlunun ölkədən necə qaçdığı bilinmir.
“Valideynlərimin vəsiyyətləri həyata keçən ölkədə yaşamaq istəyirəm. Bu, çoxdankı qərar idi, mən onu indi reallaşdırdım”, deyə, Çxo İn Quk vurğulayıb.
Qeyd edək ki, o, daha öncə də Şimali Koreyada olub. Çxo İn Quk bundan əvvəl, 2006-cı ildə anasını dəfn etmək məqsədilə bu ölkəyə səfər edib.

Tehsil-press.az