Əmanətlərin Sığortalanması Fondu Konstitusiya Məhkəməsinin yeni qərarı ilə bağlı məlumat yayıb.
Konstitusiya Məhkəməsinin qərarına əsasən ləğv prosesində olan “ATABank” ASC, “NBCBank” ASC və “AGBank” ASC-də təshih tədbirlərinin tətbiqindən sonra qəbul edilmiş, həcmi artırılan və şərtləri dəyişdirilən əmanətlər qorunan əmanət hesab edilib, həmçinin ləğv prosesində olan “Atabank” ASC-nin əmanətçilər qarşısında öhdəliklərinin reyestrində səhvən qorunmayan əmanət kimi qeydə alınmış əmanətlər üzrə bank əmanəti müqaviləsi əmanətçinin əmanəti banka verdiyi andan bağlanan sayılması və ilkin (əsas) müqavilə kimi qəbul olunması qərara alınıb.
Sözügedən əmanətlərin qaytarılmasına avqustun 14-dən başlanılacaq.

Tehsil-press.az