Vətən müharibəsi şəhidlərinin ailələri, qazilərimiz aktiv məşğulluq proqramları çərçivəsində sosial dəstəklə təmin olunur.
Bunu Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin sədri Mustafa Abbasbəyli “Rəqəmsal məşğulluğa keçid və aktiv məşğulluq tədbirləri: 2021-ci il üçün hədəflər” mövzusunda keçirdiyi mətbuat konfransında deyib.
Onun sözlərinə görə, həmin kateqoriyalardan olan 2000 şəxs məşğulluq proqramlarına cəlb edilib:
“Onlardan 1700-dən çox şəxs özünüməşğulluq proqramına, 254 nəfər haqqı ödənilən ictimai işlərə, 35 nəfər əməkhaqqının birgə maliyyələşməsi proqramına cəlb olunub”.

Tehsil-press.az