Azərbaycan Dövlət İqtisad Universiteti (UNEC) Beynəlxalq Magistratura və Doktorantura Mərkəzinin direktoru dosent Fariz Əhmədovun “Milli rəqabət nəzəriyyələri və ölçmə” (Ulusal rekabet gücü teorileri ve ölçülmesi”) kitabı Türkiyədə nəşr edilib.
Kitabda milli rəqabət gücü ilə bağlı klassik və müasir nəzəriyyələrdən, eləcə də milli rəqabət gücünü müəyyənləşdirən amillər, ölçülmə metodları və əsas indikatorlardan bəhs olunur.
Kitabın çap olunduğu “Gece Kitaplığı” Nəşriyyat Evi beynəlxalq statusla fəaliyyət göstərir. Onun nəşrləri Harvard, Oksford, Kolumbiya, Stanford, Yel Universiteti, Massaçusets Texniki İnstitutu və digər məşhur universitetlərin akademik bazalarında yerləşdirilir. Dosent Fariz Əhmədovun kitabının da həmin bazalarda yer alması nəzərdə tutulur.

Tehsil-press.az