Bakıda ötmə əməliyyatı edən sürücünün qarşısını zorla kəsməyə çalışıblar.
Sözügedən məsələ ilə bağlı görüntü "Masterclass Azerbaijan" səhifəsində paylaşılıb. Hadisə iyunun 26-da, saat 18:15 radələrində “Sədərək” Ticarət Mərkəzi istiqamətində qeydə alınıb.
Bununla bağlı sosial şəbəkədə paylaşım edən istifadəçi bildirib ki, üç maşın onun hərəkətdə olduğu avtomobili sıxışdırıb.
Onlar işarə edərək, maşını saxlamasını istəyiblər:
“Məni sıxıb saxlatmaq istəyirdilər ki, döysünlər. Məcburən əllərindən qaçıb körpüyə çıxdım. Arxamca gəldiklərini gördüm. Qaça bilmək üçün bütöv xəttin tələbini pozub istiqaməti dəyişdim”.
Qeyd edək ki, oxşar hadisə bir neçə gün əvvəl də qeydə alınmışdı. Nəticədə, Azərbaycan Avtomobil Federasiyasının əməkdaşı Səxavət Məmmədov döyülərək öldürülmüşdü.



Tehsil-press.az