Uzun illər ərzində Kanadanın Ontario əyalətinin paytaxtı Toronto şəhərində yaşayan həmvətənimiz Yeganə Cəfərova çalışdığı Farma-Medikal kollecində ən yaxşı müəllim mükafatına layıq görülüb.
Bu barədə Türk Ağsaqqalları Birliyinin Beynəlxalq əlaqələr şöbəsinin müdiri, “Vikipediya” üzrə mütəxəssis, diaspor üzrə araşdırmaçı-ekspert Elnur Eltürk məlumat verib. O bildirib ki, mükafat avqustun 20-də kollec tərəfindən təşkil olunmuş 2022-ci il tələbələrin buraxılış-diplom təqdimetmə tədbirində təqdim edilib. Yeganə Cəfərova ilk dəfə bu mükafata 2017-ci ildə Ontario Kolleclər Assosiasiyası tərəfindən, 2018 və 2019-cu illərdə isə eyni kollec tərəfindən ən yaxşı müəllim mükafatlarına layiq görülüb.

Tehsil-press.az