Jon Florionun sözlərinə görə, səbr ən yaxşı dərmandır.
Yer üzünün əşrəfi sayılan insan yanar bir şama bənzəyir. Şam yandıqca əriyir və işığını ətrafa yayır. İnsan da həyatda etdiyi yaxşı əməlləri ilə gündən-günə püxtələşməyə doğru irəliləyir.
Həyatda yaxşı insan amili olmaq xoşbəxtliyin zirvəsidir. Bu zirvəni fəth etmək də hamıya nəsib olmur. Bu zirvəni fəth edən insanlar daim ümumi mənafeyi şəxsi mənafedən üstün tuturlar. Bu minvalla da həyatın dolanbac yollarında irəliləyərək uğur üstə uğur qalayırlar.
Həyatda bu amalla yaşayan insanlardan biri də səmimi insanlar, Sabunçu rayon Kürdəxanı Sağlamlıq Mərkəzinin həkimləri, pediatr şöbəsinin həkimi Mikayılova Nərminə, Pediatriya şöbəsində bir neçə ildir ki, körpələrin sağlamlığının keşiyində dayanır, həmin tibb ocağında 7445 nəfər uşağın müayinə və müalicəsi ilə məşğul olurlar.
2008-ci ildən burada fəaliyyət göstərir. İşlədiyi müddət ərzində bir neçə sertifikatlara, Türkiyədə keçirilən tibbi kurslarda təşəkkürnamələrə layiq görülüb. Həkimin bildirdiynə görə bu peşəni öz arzusu ilə seçib və anası tibb elmləri namizədi Mikayılzadə Züleyxa xanımdan öyrənib. Bu işdə baş həkim Əhmədova Ceyran xanımın və şöbə müdiri Əbilov Amil həkimin əməyi danılmazdır. Həkimlə çiyin-çiyinə çalışan tibb işçiləri Məmmədova Gülxanım və Səfərova Könül xanımların da işləri layiqincədir.
Əlavə olaraq, tibb sənəti həkimin bibi və xalallarından da örnək olmuşdur.
Həmin tibb müəssisəsinin terapevt həkimi, həm də şöbə müdiri vəzifəsini icra edən 1980-ci ildən orada çalışan, əhalinin sağlamlığının qayğısına qalan Əliyeva Zahidə xanımın da əməyini xüsusi vurğulamaq lazımdır. Zahidə həkim də 8570 nəfər əhalinin xidmətində dayanaraq, onların sağlamlığına xidmət göstəriri. Zahidə xanımla birgə həkim Vəfa Hüseynovanın da işləri danılmazdır. Zahidə xanımla çiyin-çiyinə çalışan tibb bacısı Hüseynova Lətifənin əməyi təqdirəlayiqdir.

Ceyhun Vaqifoglu