ABŞ İrana yeni sanksiyalar tətbiq edib.
Bununla bağlı ABŞ Maliyyə Nazirliyinə bağlı Xarici Aktivlərə Nəzarət Bürosu (OFAC) məlumat yayıb.
Bildirilib ki, İrandakı etirazları zorakılıqla yatırdıqlarına görə ABŞ 3 iranlı məmuru sanksiya siyahısına daxil edib.
“Son zamanlar kürd bölgələrindəki etirazları yatırmağa çalışan üç iranlı təhlükəsizlik işçisi sanksiya siyahısına salınıb”,- deyə büro bildirib.
Qeyd edək ki, İranda Məhsa Əmininin ölümündən sonra İran təhlükəsizlik qüvvələri dinc nümayişçilərə qarşı zorakılıq tətbiq etməkdə davam edir.

Tehsil-press.az