Kollec direktorunun əri arvadını və qızını öldürüb, daha sonra intihar edib.
Hüquq-mühafizə orqanlarının əməkdaşları 45 yaşlı Emma Pattison və qızı Lettinin əri Corc Pattison tərəfindən güllələndiyini və daha sonra intihar etdiyini güman edirlər. Onun polis tərəfindən silah lisenziyası olduğu təsdiqlənib. Hadisə yerindən Pattisonun adına qeydiyyatda olan tapança aşkar edilib.
BBC-nin məlumatına görə, Emma Pattison təcili yardım xahişi ilə əqrabalarından birinə zəng edib, lakin qohumu onun evinə gələndə hər üçünü artıq öldürülmüş tapıb.
Polis hadisəni qətl və intihar kimi araşdırır, baş verənlərin xronologiyasını və şəraitini müəyyənləşdirməyə çalışır. Ölümün səbəbi yarılmanın nəticələrinə əsasən daha sonra rəsmən açıqlanacaq.
39 yaşlı Corc Pattisonun öz konsaltinq firması var idi.
Surrey polisi bildirib ki, qətldən bir neçə gün əvvəl hüquq-mühafizə orqanları onu silah lisenziyası yoxlamasına çağırıb.
Bu zənglə qətl arasındakı qısa müddətə görə, Surrey polisi müstəqil hüquq-mühafizə tənzimləyicisindən (IOPC) öz hərəkətlərini araşdırmasını istəyib.
Emma Pattison beş ay əvvəl "Epsom" kollecində direktor vəzifəsini icra etməyə başlayıb. O, 1855-ci ildə qurulandan bəri bu təhsil müəssisəsinə rəhbərlik edən ilk qadın olub. Bundan əvvəl o, Londonun cənubundakı Kroydon rayonunda dövlət liseyində işləyib.
"Epsom" kollecində 11-18 yaş arası 850 tələbə təhsil alır . Orada bir illik təhsilin qiyməti tələbələrin məktəb ərazisində yaşayıb-yaşamamasından və gündüzlər orada oxumasından asılı olaraq 20-40 min funt-sterlinq (25-50 min dollar) arasında dəyişir.
"Epsom" kollecinin idarə heyətinin rəhbəri Pattisonun ailəsinə və dostlarına başsağlığı verib, onu gözəl müəllim, hər şeydən əvvəl gözəl insan adlandırıb.

Tehsil-press.az