"Sudanda atəşkəsə əməl olunmaması həmin ölkənin xalqı üçün dağıdıcı və faciəlidir”.
Bu barədə BMT baş katibinin sözçüsü Stefan Dujarrik jurnalistlərə açıqlaması zamanı bildirib.
"Sudan xalqının yanında olmağa davam edirik. Əlbəttə ki, ilk addım atəşkəsdir. Bizdə olan məlumata görə, hazırda münaqişələr davam edir və bu, təbii olaraq humanitar yardım çatdırma qabiliyyətimizə təsir edir. BMT Təhlükəsizlik Şurasında bəyan edildiyi kimi, bu münaqişədə iştirak edən liderlər Sudan xalqının mənafeyini öz şəxsi maraqlarından üstün tutur”, - deyə Dujarrik vurğulayıb.
Qeyd edək ki, aprelin 15-dən Sudan ordusu ilə ölkənin xüsusi təyinatlı qüvvələri arasında toqquşmalar başlayıb. Toqquşmalar nəticəsində 500-dən çox insan həyatını itirib, ən azı 4000 nəfər yaralanıb.

Tehsil-press.az